Heimfahrt

Uf em Heiweg sind mer dur de National Park Porongorups und Stirling Rangers gfahre. Da sind d' Berge vo WA ;-) Isch fantastisch gsi mit dem rote "Dreck" ;-) überall...aber vergliiche mit em Alpstei cha mes halt scho nöd :-)

Denmark 2. Tag

Do gseht me üsi Unterkunft. Isch würkli e mega schöns Hüsli...heisst Rainbow :-) Isch eifach choge chalt gsi i de Nacht...zum Glück han i e Bettfläsche vom John sim Mami becho!


Am Sunntig het de John Geburtstag gha. S'Wetter isch echli besser gsi, drum hend mer d'Glägeheit gnutzt und sind am Morge de Tree Top Walk go mache. I sebem Gebiet hets no einigi Tingle Trees. Die sind u seltä...die ältestä devo sind über 400 Johr alt!


De Zmittag hend mer denn mer denn im Forest Hill Winery Cafe igno. De John het jo Geburtstag gha und drum sind mer schön go Zmittag essä. Es isch eifach super lecker gsi! D'Jane het i sebem Restaurant gad au no e paar Bilder vo ihre usgstellt.


Am Obig sind mer denn zu de Jane hei gange und hend em John sind Geburtstag gfiiret. D'Jane het en super feinä Chueche gmacht und de Lucas het sich u gfreut, wo mer alli mitenand Happy Birthday gsunge hend! :-)

Denmark 1. Tag

Vom Fritig bis am Mentig sind mer (John und sini Schwöster d'Suz, Clare, Lucas und i) in Süde uf Denmark abe gange. D'Fahrt isch normalerwiis ca. 4 .5 bis 5 Stund aber, will mer halt de Lucas debi gha hend, ischs chli länger gange. Es isch genial gsi...mit Usnahme vom Wetter. Het nämli so zimli di ganze vier Täg grägnet.

Am Samstig Morge hend mer en chline Spaziergang um üses Hüttli gmacht. In Denmark hets viel Wald und üsi Unterkunft isch devo umringt gsi :-)


Churz druf sind mer de Ocean Beach go aluege gange. Wunderschön...aber ebä...s'Wetter. Sie hend gseit im Summer segs en Traum. Muess also wohl oder übel wieder mol zrugg cho ;-)


Aschlüssend hend mer de Lights Beach bewunderet. Isch eifach en Traum gsi. I wär gad go bade, wenns ned so mega chalt gsi wär. 20 Grad hend mer also nie gha da Wuchenend! S'Thermometer het immer so zwüsched 10 und 15 Grad gschwankt.




Noch denä zwei wunderschöne Stränd, sind mer ine Imkerei gange. Die hend huuseiges Glacé gha. I ha Yoghurt-Honig probiert. Mmmmhhhh...super lecker gsi!


Noch de Imkerei ischs denn wiiter gange zum John sinerä zweitä Schwöster, de Jane, is Studio. Sie wohnt scho sit längerem in Denmark und somit hend mer üsän Usflug gad mitemenä Bsuech i ihrem Molatelier chönne verbinde.

Freo and Cottesloe

Hüt bin i wieder emol uf Freo gange :-) Noch em Ichaufsbummel han i mir en Chai Latte kauft. Zemä mit es paar Cantucci han i denn bim Lüchtturm min Z'vieri gnosse.


Uf em Heiweg bin i de Nöchi vom Cottesloe Beach no emenä Deltasegler vercho.

Breakfast at John Street Cafe

Am Zischtig Morge sind d'Britta und i is John Street Cafe go zmörgelä. Hend en Frucht- und Nusstoast gha und es Birchermüesli :-) Lecker gsi!

Footy Match Fremantle vs. Geelong (Dockers vs. Geelong Cats)

Gescht han i mit de Clare anen Footy Match uf Subiaco chönne go. Sie hend ebä Member Charte fürd Dockers. Ihri Favourite :-) D'Dockers hend sich super gschlage, will Geelong e mega guets Team isch. Im 3. Viertel vom Match hends Gliichstand gha mit je 61 Pünkt. Isch u spannend gso! Schlussendlich hends leider trotzdem verlore. S'Stadion isch pumpevoll gsi. Über 33'000 Zueschauer sind cho...
E unvergesslichs Erlebnis :-)




Do no e chlini Impression vomene Goal vo de Dockers. Leider sind d'Fans so mitgrisse gsi, dass alli ufgstande sind und me vom eigentliche Goal gar nix gseht. Aber me ghört, wie alli am jublä sind :-)

Exhibition

Letscht Wuche am Donnstig Obig hend de John und sin Vater Eröffnig vo ihrererä Usstellig gha. Am Samstig sind d'Clare und i mit em Lucas zu ihnä in Shop go luege gange. Es het sogar zwei Stüehl vo de Schwiiz gha :-) Em Lucas hend die tüüre Statue und Skulpture am Bestä gfalle ;-)

Stürmischer Tag

Gescht hets immer wieder grägnet und es isch mega windig, fast stürmisch gsi. I ha aber glich ned die ganz Ziit wölle dihai hocke und bi drum an Cottesloe Beach gloffe. Für Kiter, Wind-und Wällesurfer isch s'Wetter optimal gsi! Leider sind d'Fotenä chli unscharf..es het nämli würkli u stark gwindet ;-)

LA und schwarzi Schwän

Hüt Morge bin i chli go laufe und ha am River entli emol die berüehmte schwarze Schwän troffe :-)


Uf em Rückweg han i denn voller Stuune so was änhlichs wie e Rundbahn gseh und Schüeler wo Hochsprung und Hürde gha hend :-) Da gits do praktisch nienets. Überall gseht mer nu Footy-Felder!

Freo (Round House)

Hüt han i wieder min freie Tag gha und bi uf Fremantle go s'Round House aluege. D' Ussicht isch mega schön und s'Wetter wie immer perfekt gsi. I ha sogar en Delfin gseh! Leider gseht mer nur d'Ruggeflosse. Aber er müends mer globe...es isch eine gsi :-)

Babysitting Lucas

Hüt han i de ganz Tag uf de Lucas glueget.Noch sim Mittagsschlof sind mer mitenand an Cottesloe Beach gloffe und hend üsen z'Vieri gessä :-)

Brunch im left bank und Tapas bi de Michelle

Gescht Morge het d'Britta ihri bestä Kollegä zum Brunch is left bank iglade. Isch wunderschön gsi. Me het Sicht uf de Swan River gha und s'Essä isch eifach himmlisch gsi!




Am Nomittag sind mer denn zu de Michelle (ganz e gueti Kollegin vo de Britta) go Tapas essä und hend glichziitig ihri neu Wohnig bestuunt. D'Ussicht isch eifach traumhaft gsi. Uf de eintä Siite de Swan River uf de anderä Siitä de KIngs Park und sogar d'Wolkechratzer vo Perth City het me gseh! Swimmingpool und Tennisplatz hend natürli au ned gfählt!

Go Red For Women Day

Am Fritig sind d'Britta und i uf Perth City. Es isch gad so en Frauetag gsi. Het en Stand gha, wo me sin BMI und Bluetdruck het chönne messä. I bi 1.74 m gross gsi a sebem Tag. Isch wohrschindli e eimoligi Sach, am Samstig han i nämli scho wieder mini normal Grössi vo 1.68 m gha ;-)


Am früehne Obig sind mer denn go Yum Cha essä. I ha s erscht mol Porkbun probiert. Da isch ganz en luftige, chli süesse Teig mitenerä salzige Füllig. Normal ebä Schweinefleisch. Aber mer hends mit Rind gha, will s'Schweinefleisch gar ned guet gsi isch...gell Britta :-)

Cottesloe Beach und DVD-Obig

Will de Wetterbricht uf de Mittwoch und Donnstig wüescht gha het, bin i am Zischtig an Cottesloe Beach go s'Wetter gnüsse.


Am Obig han i d'Britta zumene Znacht und DVD-Obig iglade. Mer hend e riesegrossi DVD Uswahl zur Verfüegig gha. Wo mer üs denn entli entschiede hend, isch usecho, dass me de seb brennt DVD anschinend nur uf Chinesisch luege cha....jedi ander Sproch wär üs lieber und bekannter gsi ;-) Schlussendlich hend mer üs denn für Bridget Jones entschiede :-)

Market in Melville

Will d'Britta jo bald uf Indie go reisä goht, hend mer all ihri Sache müesse los werdä. Drum sind mer noch Melville an Markt gange. Am 4:15 AM hend mer müesse ufstoh, will de Markt scho am 6:00 ufgange isch. Am Morge früeh sind mer denn fast verfore. Isch u mega chalt g si. Aber es het sich glohnt :-) Und de selbergmacht Zopf isch bi de Australier super acho!


Am Nomittag sind mer denn no an Cottesloe Beach gange und hend üs vom astrengendä Morge erholt.

Scarborough

Hüt bin i mit de Britta in Scarborough gsi, wo sie mol gwohnt het. Isch au en wunderschöne Strand. Isch hüt aber recht windig gsi. Perfekts Wetter zum Kite :-)

Chocolate Cake

Gescht Obig het d'Clare en wunderbare Chocolate Cake gmacht :-) Er isch eifach nur delicious gsi!