Lucas Baptism

Gescht Morge isch de Lucas uf de Name Lucas Dudley Brans tauft worde :-)


All sini Verwandte sind uf Bsuech cho und mer hend im Garte vom John sinä Elterä
(Barbara & Clive) üsän zMittag igno. Isch e wunderschöns Huus und s'Essä isch eifach lecker gsi!

Cottesloe Beach

Am Samstig ischs do so schön warm gsi. Ha die Glägeheit gad gnutzt und bi an Cottesloe Beach gange. Me het sogar im Bikini chönne det ligge...isch so warm gsi.

Kings Park

Gescht sind d'Britta und i im Kings Park s'Wetter am gnüsse gsi. Am Obig hend mer denn im Tiger Lils uf di bestande Prüefig agstosse und sind spöter denn is Annalakshmi go indisch essä gange. Me cha zahle so viel meh wöt und essä so viel meh wött und es isch eifach super fein gsi!

Home

Ha wieder emol es paar Föteli vom Huus gmacht. Isch mega schön. Gseht chli wie es italienisch Landhuus us.


De Lucas und sis Mami :-)

Britts Dinner

Gescht Obig het d'Britta de Znacht gmacht und er isch eifach super gsi. Richtig was für Feinschmecker.

Super Wetter

Hüt isch super Wetter gsi. Bi nomel an Swan River abe und am Nomittag uf Fremantle an Markt.

Claremont und Perth

Hüt hend d'Britta und i en chline Spaziergang dur Claremont und an Swan River gmacht. Leider isch s'Wetter ned so guet gsi. Am Nomittag het sie denn müesse go schaffe und i bi no churz uf Perth. Det bin i wieder an Swan River und ha em Bell Tower en Bsuech abgstattet.

Die letschtä zwei Nächt hets recht gstürmt. Sind chli grösseri Tannezapfe wie i de Schwiiz vo de Bäum gheit ;-)

Bsuech bi Sarah and James

Geschter ischs recht chalt gsi und het immer wieder gregnet. Am Nomittag sind d'Clare, de Lucas und ich de Clare ihri Schwöster d'Sarah go bsuechä. Dä James isch em Lucas sin Cousin und 5 Mönet älter als er.

Min feinä Zmorgä :-)

Ersti Idrück vo Western Australia

De erst Tag isch bereits verbi. I ha scho u viel gseh und erlebt. D'Familie (Clare, John, Lucas, Stella) sind mega lieb. De Lucas isch gad vor churzem Jöhrig worde und d'Stella isch de Hund wos hend :-).

Home-Sweet-Home


Hüt morge sind mer in Claremont, mim jetztige Wohnort, wo gad usserhalb vo Perth liit, in Park gange.


Am Nomittag bin i mit de Britta noch Cottesloe Beach gloffe, wo mer Fish and Chips gha hend, jedoch ohni Chips ;-)



Aschlüssend sind mer mit em Zug noch Fremantle gfahre, wo mer d'Britta unter aderem eine vo ihrnä Lieblingsläde zeiget het. Zum Schluss vom Tag hend mer am Meer en Chai Latte trunke und de Sunneuntergang gnosse.

Family-Brunch

De letscht Sunntig Morge i de Schwiiz han i mit minerä Familie bimne usgwogne Brunch gnosse. De Zmorgetisch isch deckt gsi mit de bestä Sache, wos git. :-)
Aschlüssend hend mer üs id Sunne gleit und s'Wetter gnosse.

Abschied

De gestrig Obig han i mit minä vier Mädels verbrocht. Bi warme Temperature und Sunneschii hend mer en feine Znacht gnosse, was mer vor allem üserä Grill-Chefin de Fabi z'verdanke hend. Mit volle Büüch hend mer üs denn uf de Weg noch St.Galle gmacht, wo mer bis tüüf id Nach gfiiret hend.