Cottesloe Beach und DVD-Obig

Will de Wetterbricht uf de Mittwoch und Donnstig wüescht gha het, bin i am Zischtig an Cottesloe Beach go s'Wetter gnüsse.


Am Obig han i d'Britta zumene Znacht und DVD-Obig iglade. Mer hend e riesegrossi DVD Uswahl zur Verfüegig gha. Wo mer üs denn entli entschiede hend, isch usecho, dass me de seb brennt DVD anschinend nur uf Chinesisch luege cha....jedi ander Sproch wär üs lieber und bekannter gsi ;-) Schlussendlich hend mer üs denn für Bridget Jones entschiede :-)